Kujdesemi për sigurinë tuaj

Kompania ECIT shpk është ligjërisht e identifikueshme. Statusi ligjor i trupës ECIT është shoqëri me përgjegjësi të kufizuar (shpk), e regjistruar në QKR me CN-635397-12-11 datë 04.05.2010, Nipt L02904408M.

Kompania ECIT shpk ofron shërbime në fushën e inspektimeve si Trupë Inspektuese e pajisjeve nën presion & e pajisjeve elektrike;  si Trupë Certifikuese në fushën e certifikimit të personave që përdorin pajisje nën presion; Trupë Inspektimi e mjeteve ADR që kryejnë transport të disa mallrave të rrezikshme.

Trupa Inspektuese e Certifikuese i ka të dokumentuara funksionet dhe fushën teknike të aktivitetit për të cilat është kompetente në certifikatën e Akreditimit me nr. TI 020  si Trupë Inspektues dhe si Organizëm që Operon në Fushën e Certifikimit të Personelit, me identifikim  CN 008, sipas ISO/IEC 17024:2012.

Trupa ECIT shpk është  autorizuar nga Ministria e Infrastrukturës dhe Energjisë, autoriteti i miratimit, si Organ i Miratuar me identifikim OMI 007.

ECIT shpk është pajisur nga Drejtoria e Përgjithshme e Metrologjisë me Vendim Administrativ Nr.4, datë 25.02.2020, Vendim Administrativ për “Dhënien e autorizimit për verifikim të instrumentave matës ligjërisht të kontrolluara,  Çisterna Rrugore (Autobote)”.

ECIT shpk është pajisur nga Ministria e Infrastrukturës dhe Energjisë me Licensë Nr.05  për “Ushtrimin e veprimtarisë si Trupë Inspektimi e mjeteve që kryejnë transport të disa mallrave të rrezikshme”.

Kompania ECIT shpk  është strukturuar dhe menaxhohet me një Sistem Menaxhimi Cilësie të Certifikuar. Përgjegjësia, Kompetenca profesionale, Paanësia e Pavarësia janë tiparet tona. Në në mënyrë të vazhdueshme kryejmë trajnimin e stafit tonë , për të qenë gjithmonë të përditësuar me legjislacionin e Republikës së Shqipërisë dhe Standartet e fushave që në ofrojmë shërbimet.

Trupa ECIT shpk është gjithmonë në shërbim të klienteve dhe mirëpret cdo mendim të tyre , per plotësimin e kërkesave e përmirësimin e shërbimeve, duke qenë kështu një konkurente në treg.